"Avroviziya 2022" təmsilçimiz: "Uşaqlıq arzum idi"

İTV-də yayımlanan "Səs Azərbaycan" yarışmasının qalibi Nadir Rüstəmli ölkəmizi bu il "Avroviziya" mahnı müsabiqəsində təmsil edəcək.

Teleqraf.com xəbər verir ki, Nadir Rüstəmli bu haqda "Sabahın xeyir, Azərbaycan" proqramında qonaq olarkən açıqlanıb.

Aparıcı Azər Süleymanlı Nadir Rüstəmovun İtaliyada baş tutacaq Avroviziya mahnı müsabiqəsində ölkəmizi təmsil edəcəyini açıqlayıb.

Nadir Rüstəmli isə sevincini belə dilə gətirib:

"Belə bir arzum var idi. Seçimə görə təşəkkür edirəm. İnanıram ki, layiqli şəkildə iştirak edəcəm və etimadınızı doğruldacam. İnanıram ki, bu il Azərbaycana qalibiyyət gələcək. Gözləntilərim var idi. Çünki xalq arasında ən çox adı hallanan mən idim. Avroviziya mahnı müsabiqəsində təmsil etmək uşaqlıq arzum idi".

Qeyd edək ki, "Avroviziya 2022" mahnı müsabiqəsi mayın İtaliyanın Turin şəhərində baş tutacaq.