""Popun kralı" atamdır və əbədi olaraq..." - Ceksonun oğlundan sərt ismarış

Maykl Ceksonun oğlu şahzadə Cekson müğənni Harri Staylsın "Popun yeni kralı" adlandırılmasını sərt tənqid edib.

Teleqraf.com xarici KİV-ə istinadən xəbər verir ki, "The Rolling Stone" jurnalının Harri Stilsin yaradıcılığına həsr etdiyi böyük məqaləsində müəlliflər ifaçını “pop musiqinin yeni kralı” adlandırıblar. Bu titulun ilk sahibi olan Maykl Ceksonun varisi bununla razılaşmayıb.

“Harri Stayls şübhəsiz ki, böyük sənətkardır. Amma atam ifaçıların sosial mediada o qədər də dəstəyinin olmadığı bir vaxtda karyerasına başlayıb. Atamın sənətə gəldiyi dövrü və onun çəkdiyi əziyyətləri müasir ifaçıların karyerasına necə başlamaqları ilə müqayisə etsək, yerlə göy qədər fərq hiss olunar. Bunu müqayisə etmək mümkün deyil. Və "Pop kralı" titulu atama əbədi olaraq verilir, onu götürüb başqa bir sənətçiyə ötürə bilməzsiniz " - deyə şahzadə Cekson bildirib.