Gülağa Məmmədovun yubileyi keçiriləcək

Mədəniyyət və Turizm Nazirliyi tərəfindən 2015-ci ilin ikinci yarısında bir sıra tanınmış incəsənət xadimlərinin yubiley gecələri təşkil olunacaq.

Nazirliyin informasiya və ictimaiyyətlə əlaqələr şöbəsindən Teleqraf.com-a verilən məlumata görə, bu ilin noyabr ayında xalq artisti, tanınmış müğənni Gülağa Məmmədovun 90 illiyinə, dekabr ayında xalq artisti, tanınmış bəstəkar Ağadadaş Dadaşovun 80 illiyinə həsr olunmuş yubiley tədbiri keçiriləcək.

İlin ikinci yarısında xalq rəssamı Nadir Əbdürrəhmanovun 90 illiyinə həsr olunmuş sərgi, xalq artisti, tanınmış bəstəkar Tofiq Bakıxanovun 85 illiyinə həsr olunmuş festival, SSRİ xalq artisti, görkəmli müğənni Rəşid Behbudovun 100 illiyinə həsr olunmuş silsilə tədbirlər keçirilməsi nəzərdə tutulub.