Azərbaycanlı pianoçu beynəlxalq festivalda çıxış edəcək - VİDEO

Noyabrın 10-da Fransanın paytaxtı Parisdə azərbaycanlı pianoçu Etibar Əsədlinin konserti keçiriləcək.

Teleqraf.com buro247-yə istinadən xəbər verir ki, bu çıxış "Jazz Colors Festival" beynəlxalq caz festivalı çərçivəsində Fransadakı Azərbaycan səfirliyinin mədəniyyət mərkəzində təqdim olunacaq. Bundan başqa, musiqiçi Bakıda keçiriləcək Beynəlxaq Caz festivalı zamanı, oktyabrın 23-də Muğam Mərkəzinin səhnəsində də çıxış edəcək.

Qeyd edək ki, Etibar Əsədli 1992-ci ildə Bakıda anadan olub. O, 2008-2013-cü illərdə Bakıda Caz Festivalında iştirak edib. 2014-cü ildə dəfələrlə İsveçrədə çıxış edib və 48-ci Montre Caz Festivalında iştirak üçün "Rast" qrupuna daxil olub. Oktyabrın əvvəlində Fransanın Flyor şəhərində Etibar Əsədlinin solo konserti baş tutub. Onun çıxışından bir hissəni sizə təqdim edirik.

Teleqraf.com videonu təqdim edir:

Rüstəm