Bu arenalarda internet pulsuz olacaq

I Avropa Oyunları zamanı yarışların keçiriləcəyi bütün arenalarda insanlar internet xidmətindən Wi-Fi vasitəsilə pulsuz istifadə edə biləcəklər.

Teleqraf.com Rabitə və yüksək texnologiyalar nazirliyinə istinadən xəbər verir ki, hələlik pulsuz internet xidməti mexanizmlərinin və prosedurların dəqiqləşdirilməsi, bunun hansı şəkildə təşkil olunması ilə əlaqədar iş aparılır.

Bakıda və Mingəçevirdə mövcud və yeni tikilən idman arenalarının rabitə kanalları ilə əlaqələndirilməsi, onların telekommunikasiya kanalları ilə təmin edilməsi üçün 270 km-dən artıq xətlər çəkilib. Bundan başqa, Oyunların bütün dünyaya televiziyalarla yayılmasına Azərbaycanın Azerspace -1 peyki də daxil olmaqla 4 peyk cəlb olunub. Arenaların içində avadanlıqların tezliklərlə təmin olunması və bölgüsü işləri görülüb. Bundan əlavə, l Avropa Oyunları ilə bağlı poçt markaları dəsti hazırlanaraq buraxılıb.

Rüstəm