Bakı 2015: Bu gün daha 4 boksçumuz yarımfinala çıxdı - YENİLƏNİB

91 kiloqramda mübarizə aparan Azərbaycan boksçusu Abdulqadir Abdullayev fransız Pol Bionqolo Ombanı 3-0 hesabı ilə məğlub edərək yarımfinala yüksəlib.

21:34

69 kiloqramda daha bir təmsilçimiz Pərviz Bağırov almaniyalı Abass Baraudla qarşılaşır. İlk iki raund həmyerlimizin üstünlüyü ilə keçib. Üçüncü raunduda fəal döyüşən boksçumuz 3-0 hesabı ilə qalib gələrək yarımfinala yüksəlib

20:27

64 kiloqramda mübarizə aparan Kuba əsilli boksçumuz Sorenso Sotomayor yarımfinal yolunda Rumıniya təmsilçisi Daniel Nikolesku ilə qarşılaşıb. İlk iki raund Sotomayorun üstünlüyü ilə keçib.

Üçüncü raundda da fəal döyüş nümayiş etdirən boksçumuz 3-0 hesabı ilə qalib gələrək adını yarımfinala yazdırıb.

Qeyd edək ki, bu görüşü Azərbaycan Boks Federasiyasının prezidenti Kəmaləddin Heydərov canlı izləyib.

19:26

64 kiloqram çəki dərəcəsində Azərbaycanı təmsil edən Avropa çempionu Yelena Vıstropova Böyük Britaniya idmançısı Sandi Rayan ilə münasibətlərinə aydınlıq gətirib.

Birinci raund təmsilçimizin üstünlüyü ilə başa çatıb. Növbəti iki raundda britaniyalı idmançı daha yaxşı təsir bağışlayıb.

Son raundda da fəal döyüşən Rayan Sandi 2-1 hesabı ilə qələbə qazanaraq yarımfinala vəsiqə qazanıb.

14:19

60 kq çəki dərəcəsində mübarizə aparan boksçumuz Albert Səlimov bolqarıstanlı Dmitri Elian ilə döyüşə çıxıb. Görüşü yüksək formada keçirən təmsilçimiz 3-0 hesabı ilə qalib gələrək yarımfinala yüksəlib.

Qeyd edək ki, bu görüşü Azərbaycan Boks Federasiyasının Prezidenti Kəmaləddin Heydərov canlı izləyir.

12:58

54 kiloqramda mübarizə aparan Anna Əlimərdanova bolqarıstanlı dünya çempionu Stanimira Petrova ilə qarşılaşır.

İlk iki raund həmyerlimizin üstünlüyü ilə keçib. Üçüncü raundda bolqar boksçu daha yaxşı təsir bağışlayıb. Son raundu da möhtəşəm keçirən təmsilçimiz görüşü 3-0 hesablı qələbə ilə başa vuraraq yarımfinala vəsiqə qazanıb.

12:30

Günün ilk qarşılaşması qadınlar arasında 54 kiloqram çəki dərəcəsində keçirilir. Türkiyəni təmsil edən Ayşe Taş rusiyalı Yelena Saveleva ilə qarşılaşıb. Görüş Rusiya idmançısının 3-0 hesablı qələbəsi ilə başa çatıb.

09:30

Birinci Avropa Oyunlarında boks yarışlarının 1/4 final mərhələsi davam edir.

Teleqraf.com xəbər verir ki, bu gün daha 8 çəki dərəcəsində yarımfinalçılar müəyyən olunacaq.

4-ü kişi və 2-i qadın olmaqla 6 idmançımız adını yarımfinala yazdırmağa çalışacaq.


60 kq çəki dərəcəsində Albert Səlimov saat 14:00-da bolqarıstanlı Dmitri Elian ilə döyüşəcək.

Ölkəmizi 64 kiloqram çəkidə təmsil edən Kuba əsilli idmançımız Lorenzo Sotomayor Rumıniya təmsilçisi Daniel Nikulesku olə qarşılaşacaq. Döyüş saat 20:15-də başlayacaq.

Pərviz Bağırov (69 kq) almaniyalı Abass Barauddan üstün olmağa çalışacaq. Qarşılaşma saat 21:15-də başlayacaq.

Didər təmsilçimiz Abdulqadir Abdullayev (91 kq) isə fransız Pol Bionqolo Ombanı məğlub etməyə çalışacaq. Bu döyüş saat 21:30-da start götürəcək.

Qadınlar arasında isə bu gün 54 kiloqramda mübarizə aparan Anna Əlimərdanova bolqarıstanlı dünya çempionu Stanimira Petrova ilə döyüşəcək. Avropa Oyunlarında ilk döyüşünü keçirəcək idmançıların görüşü 12:45-də başlayacaq.

Ölkəmizi 64 kiloqramda təmsil edən Avropa çempionu Yelena Vıstropova Böyük Britaniya idmançısı Rayan Sandidən güclü olmağa çalışacaq. Döyüş saat 19:15-də başlayacaq.

Qeyd edək ki, artıq 4 boksçumuz yarımfinala vəsiqə qazanıb.