Ankarada olan senator: “YPG-ni Türkiyə üçün biz yaratmışıq” – Şok etiraf

”Türkiyə üçün yaratdığımız problemləri həll etməliyik”.

Teleqraf.com xəbər verir ki, bunu Türkiyəyə səfər edən amerikalı senator Lindsey Qraham deyib.

Senator Türkiyənin ABŞ-ın ən etibarlı müttəfiqlərindən biri olduğunu qeyd edib:

“Müttəfiq Türkiyəni qorumalı və Suriyada Türkiyə üçün yaratdığımız YPG/PKK problemini həll etməliyik. YPG-nin siyasi qolu (PYD) PKK-ya bağlıdır. Detallar açıq formada ortadadır”.

Qeyd edək ki, hazırda Türkiyədə olan Lindsey Qraham səfər çərçivəsində Türkiyə Prezidenti Rəcəb Tayyib Ərdoğan, xarici işlər naziri Mövlud Çavuşoğlu və müdafiə naziri Hulusi Akarla görüşüb.