"Lazım gəlsə, Lvova qədər irəliləyəcəyik" - Medvedev

Ukrayna və Donbasda həyata keçirilən xüsusi hərbi əməliyyatda heç nə istisna oluna bilməz və lazım gələrsə, Rusiya ordusu Polşa sərhədində yerləşən Lvov şəhərinə qədər irəliləyəcək.

Teleqraf.com xəbər verir ki, bu barədə Rusiya Federasiyası Təhlükəsizlik Şurasının sədr müavini Dmitri Medvedev deyib.

“Bu “infeksiya”nın kökünü kəsmək üçün Kiyevə getmək lazımdırsa, o zaman Kiyevə qədər gedəcəyik. Lvova qədər getmək lazım olsa, Lvova qədər gediləcək”, - Medvedev vurğulayıb.