Moskvada Ərdoğan haqqında film təqdim olundu

Moskvada TASS agentliyinin baş direktorunun birinci müavini Mixail Qusman Türkiyə diplomatik missiyasında Prezident Rəcəb Tayyib Ərdoğan haqqında filmi təqdim edib.

Teleqraf.com xəbər verir ki, film “Hakimiyyət formulu” silsiləsinin bir hissəsi kimi lentə alınıb.

Tədbirdə Rusiya Federasiyası xarici işlər nazirinin müavini Aleksandr Qruşko, bir sıra diplomatik missiyaların rəhbərləri iştirak ediblər.

Türkiyənin Moskvadakı səfiri Mehmet Samsar Qusmanın peşəkarlığını qeyd edərək Türkiyə liderinin həyat və siyasi karyerasından bəhs edən bu xüsusi layihənin yaradılmasına görə minnətdarlığını bildirib. Diplomatik missiyanın rəhbəri Ərdoğanın özünün “Daha ədalətli bir dünya mümkündür” kitabını da tədbir iştirakçılarına təqdim edib.