Pentaqonun keçmiş rəhbərindən şok sözlər - "Qorxuram ki, Tramp seçilsə ABŞ-ı..."

"Tramp yenidən prezident seçiləcəyi təqdirdə ABŞ-ı NATO-dan çıxara bilər".

Teleqraf.com "TVBS" kanalına istinadən xəbər verir ki, bunu keçmiş prezidentin dönəmində Pentaqonun keçmiş rəhbəri olmuş Mark Esper deyib.

"Qorxuram ki, ikinci administrasiya dövründə o, bizi NATO-dan çıxaracaq. Həmçinin o ABŞ qoşunlarının Koreya və Yaponiyadan çıxarılması və ola bilsin ki, Tayvanla münasibətləri zəiflətməyimiz üzərində işləyəcək", - Esper deyib.

Esper, bununla belə, Trampın administrasiyası dövründə Çinlə münasibətləri gərginləşdirməsini və Pekini Vaşinqtonun strateji rəqibi kimi təyin etməsini tərifləyib.

Mark Esper 2019-cu ilin iyulundan 2020-ci ilin noyabrına qədər ABŞ-ın müdafiə naziri vəzifəsində çalışıb.