“Rusiya Ukraynanı nokauta sala bilməyəcək” – Amerikalı general

Rusiyanın Ukraynaya qarşı başlatdığı müharibədə Xarkov vilayəti uğrunda döyüş həlledici olmayacaq.

Teleqraf.com xəbər verir ki, bunu ABŞ ordusunun istefada olan generalı Ben Hodces deyib.

“Xarkov uğrunda döyüş həlledici olmayacaq. Çünki belə olsaydı, bu, müharibəni bitirmək demək olardı. Bunu belə görmürəm. Rusiyanın Ukraynanı həlledici nokauta salmaq imkanına malik olduğuna inanmıram”, - general vurğulayıb.

Hodcesin sözlərinə görə, Ukrayna Qərbdən lazımi dəstək almasa da, Xarkov istiqamətində rusların irəliləyişini ləngidə bilib: “Bu, Rusiyanın hələ də yaşadığı problemlərdən xəbər verir”.