Dağıda-dağıda irəliləyirlər – Şəhəri yer üzündən sildilər

Rusiya ordusu Toretsk şəhərini tamamilə yer üzündən silir, amma çox yavaş irəliləyir.

Teleqraf.com xəbər verir ki, bu barədə Ukrayna ordusunun “Luqansk” taktiki qoşun qrupunun sözçüsü Anastasiya Bobovnikova məlumat verib.

“Toretsk istiqamətində şəhər döyüşləri gedir. Bu çox çətin döyüş növüdür. Düşmən burada 11 hücum əməliyyatı həyata keçirib. Artilleriyadan istifadə olunur, Toretsk şəhərini darmadağın edirlər. Aviasiya və hava hücumundan müdafiə sistemlərindən istifadə olunur. Digər yaşayış məntəqələri kimi, bu şəhərdən də heç nə qalmayıb”, - Bobovnikova bildirib.