Bayden Yaponiyanın "Nippon Steel" şirkəti ilə müqaviləni blokladı

ABŞ-ın hazırkı prezidenti Co Bayden milli polad şirkəti "US Steel"in Yaponiyanın "Nippon Steel" tərəfindən alınmasına mane olmaq qərarına gəlib.

Teleqraf.com xəbər verir ki, bu barədə Ağ Evin bəyanatında deyilir .

“Polad istehsalı və polad emalı xalqımızın onurğa sütunudur. Yerli polad istehsalı olmadan ölkəmiz daha az güclü və daha az təhlükəsiz olur”, - deyə bəyanatda qeyd olunub.

Bayden vurğulayıb ki, "US Steel" Amerika işçiləri tərəfindən idarə olunan "qürurla Amerika şirkəti" olaraq qalacaq.

Bundan əvvəl Yaponiyanın "Nippon Steel" şirkəti Baydenə "US Steel" polad şirkətini almaq üçün yeni təklif irəli sürüb. Bayden hesab edir ki, təklif “işçilər üçün pisdir” və “ABŞ-ın milli təhlükəsizliyi üçün risklər” yaradır.