“Neftçi” təlim-məşq toplanışı üçün Qəbələyə yollanır

"Neftçi" komandası qış təlim-məşq toplanışını Qəbələ şəhərində davam etdirəcək.

Klubdan Teleqraf.com-a verilən məlumata görə, "ağ-qaralar" mövsümün ikinci yarısı üçün hazırlığı yanvarın 6-dan 12-dək Qəbələ şəhərində keçirəcək.

Komandanın yoxlama oyunları ilə bağlı qarşıdakı günlərdə məlumat veriləcək.

Qeyd edək ki, “Neftçi” bu il ilk rəsmi matçını yanvarın 19-da “Sabah”a qarşı keçirəcək. Misli Premyer Liqasının 19-cu turu çərçivəsində “Neftçi Arena”da baş tutacaq oyun saat 18:30-da başlayacaq.