Çin yenidən təhlükə ilə üz-üzə - Yeni epidemiya
Çində yeni insan metapnevmovirusunun (hMPV) yayılması xəstəxanalarda sıxlığa xəbəb olub.
Teleqraf.com xəbər verir ki, bu barədə "Daily Star" məlumat yayıb.
Nəşrin yazdığına görə, infeksiya artıq yerli səhiyyə sistemi üçün xeyli yük yaradıb. Virus ağciyərlərə hücum edərək COVID-19 və qripə bənzər simptomlara səbəb olur.
Nəşr qeyd edir ki, xəstələr üşütmə, öskürək, boğaz ağrısı, həmçinin halsızlıq və başgicəllənmə kimi simptomlarla xəstəxanalara müraciət edirlər. Eyni zamanda, Çində qrip A, mikoplazma pnevmoniyası və koronavirus kimi digər tənəffüs yoluxucu infeksiyaların da olduğu bildirilir.
Bu vəziyyətlə əlaqədar tibb mütəxəssisləri səlahiyyətlilərə və ictimaiyyətə yoluxma ehtimalını azaltmaq üçün maskalar taxmaq və əlləri mütəmadi olaraq dezinfeksiya etmək də daxil olmaqla ehtiyat tədbirlərinə əməl etməyi tövsiyə edir.
