Mübarizə davam edir, sonu qələbədir – Zurabişvili

“Bu gün biz mübarizədəyik, sonu şübhəsiz qələbə olacaq. Başqa yol yoxdur”.

Teleqraf.com xəbər verir ki, bunu Zuqdidi şəhərində keçirilən aksiyada çıxışı zamanı Gürcüstanın sabiq prezidenti Salome Zurabişvili deyib.

O, vətəndaşlara ölkənin azadlığı uğrunda mübarizədə sona qədər onlarla bir yerdə olacağına söz verib.

S.Zurabişvili Vaşinqtona Donald Trampın andiçmə mərasiminə gürcü xalqı adından gedəcəyini qeyd edib: “Bizim orada Gürcüstana çox əhəmiyyət verən və ölkəmizin gələcəyini şimal təhlükələrindən qorumaq üçün əlindən gələni edən çoxlu dostlarımız var”.

Xatırladaq ki, S.Zurabişvilinin prezident kimi səlahiyyət müddəti ötən ilin dekabrın 29-da başa çatıb. Özünü Gürcüstanda yeganə legitim dövlət institutu hesab edən keçmiş dövlət başçısı prezident olaraq qaldığını bəyan edib.