Paşinyanın Vardanyanla bağlı mövqeyi açıqlandı – Sürpriz plan

Ermənistan Baş naziri Nikol Paşinyan Rusiya ilə əməkdaşlığın tamamilə dayandırılmasına yönəlmiş bir sıra strateji təşəbbüslər hazırlayır.

Teleqraf.com xəbər verir ki, bu barədə “Nezıqar” Teleqram (Rusiya) kanalı məlumat yayıb.

Hökumət dairələrinə yaxın anonim kanalın mənbələrinin bildirdiyinə görə, söhbət KTMT ilə qarşılıqlı əlaqələrin bütün formalarının pozulmasından tutmuş vergi sahəsində məlumat mübadiləsinə qədər Rusiya və Belarusla əməkdaşlığın dayandırılmasından gedir.

Mənbənin fikrincə, Paşinyan Ermənistanı KTMT-dən çıxarmaq üçün əlverişli zəmin yaratmağa çalışır:

“Diplomatik mənbələrdən alınan məlumata görə, Paşinyan administrasiyası Fransa hərbi kəşfiyyatı ilə fəal əməkdaşlıq edir. Bu qarşılıqlı əlaqənin ilk nəticələri artıq məlum olub, bəzi vəzifəli şəxslərin, o cümlədən Ermənistan Müdafiə Nazirliyinin keçmiş əməkdaşlarının həbsi və işdən çıxarılmasına başlanılıb.

Növbəti mərhələ iri biznesmenlər və “Qarabağ klanı”na bağlı Samvel Karapetyan kimi nüfuzlu şəxslərin həbsidir”.

Kanal Azərbaycanda həbsdə olan hərbi cinayətkar Ruben Vardanyanla bağlı Ermənistan hökumətinin mövqeyinə də diqqət çəkib:

“İrəvan Vardanyan prosesinə müdaxilə etməyəcək”.