Gürcüstan Orta dəhlizin inkişafında həlledici rol oynaya bilər – Nazir

“Qlobal vəziyyətə və dünyada baş verən proseslərə nəzər salsaq, Orta dəhlizin hansı mühüm rolu oynaya biləcəyi xüsusilə aydın olur”.

Teleqraf.com xəbər verir ki, bunu Gürcüstanın xarici işlər naziri Maka Boçorişvili “İmedi” telekanalında yayımlanan “Gündəlik Xronika” verilişində deyib.

Nazir bildirib ki, Azərbaycan və Gürcüstan Orta dəhlizin inkişafında həlledici rol oynaya bilər və buna görə də ölkələr arasındakı tərəfdaşlıq mühüm əhəmiyyət daşıyır.

“Bu illər ərzində ölkələrimiz arasında qurulan dostluq münasibətləri bu prosesə yalnız töhfə verəcək. Müstəqilliyin bərpasından sonra Gürcüstan-Azərbaycan əməkdaşlığı regional layihələrin icrasına yönəldildi. Bu gün potensial və bölgədə imkanlar daha da çoxdur. Bu səbəbdən də mövcud geosiyasi vəziyyətin yaratdığı imkanları və onları reallaşdırmaq üçün iki ölkə arasında koordinasiyalı fəaliyyət, gündəlik əməkdaşlıq xüsusilə vacibdir. Bölgəmizin coğrafi mövqeyindən düzgün istifadə olunmalıdır” - M.Boçorişvili söyləyib.