Prezident İlham Əliyev Türkiyənin xarici işlər nazirini qəbul edib - Yeniləndi

Azərbaycan Respublikasının Prezidenti İlham Əliyev yanvarın 18-də Türkiyə Respublikasının xarici işlər naziri Hakan Fidanı qəbul edib.

Teleqraf.com xəbər verir ki, Hakan Fidan Türkiyə Prezidenti Rəcəb Tayyib Ərdoğanın salamlarını dövlətimizin başçısına çatdırıb.

Prezident İlham Əliyev salamlara görə minnətdarlığını bildirib, onun da salamlarını Rəcəb Tayyib Ərdoğana çatdırmağı xahiş edib.

Görüşdə Azərbaycan ilə Türkiyə arasında dostluq, qardaşlıq və strateji müttəfiqlik münasibətlərinin siyasi, iqtisadi və bütün digər sahələrdə uğurla inkişaf etdiyi vurğulanıb, əlaqələrimizin bundan sonra da möhkəmlənəcəyinə əminlik ifadə olunub.

Söhbət zamanı ikitərəfli münasibətlərin perspektivləri və qarşılıqlı maraq doğuran məsələlər ətrafında fikir mübadiləsi aparılıb.

***

10:45

Türkiyə xarici işlər naziri Hakan Fidan Azərbaycanda işgüzar səfərdədir.

Teleqraf.com xəbər verir ki, bu barədə Türkiyə XİN-nin rəsmi səhifəsində bildirilib.

Hazırda Hakan Fidan Prezident İlham Əliyevlə görüşür.

Qeyd edək ki, H.Fidanın səfər çərçivəsində yüksək səviyyəli görüşləri nəzərdə tutulub.

Görüşlərdə ikitərəfli siyasi, hərbi, iqtisadi, ticarət, nəqliyyat və enerji məsələlərinin müzakirə ediləcəyi planlaşdırılır.