Tramp inauqurasiyası üçün bu qədər pul yığdı

ABŞ-nin yeni seçilmiş prezidenti Donald Tramp 2024-cü ilin noyabr ayının əvvəlindən inauqurasiya üçün 150 milyon dollardan çox vəsait toplayıb.

Teleqraf.com xəbər verir ki, bu barədə "The Washington Post" Respublikaçılar Partiyasından anonim mənbəyə istinadən yazır.

Məlumata görə, Trampın inauqurasiya komitəsinə Microsoft, Google, Meta, Uber, Boeing və Lockheed Martin şirkətlərindən 2 milyon dollardan çox ianə olunub.

Komitə andiçmə mərasimindən 90 gün sonra Federal Seçki Komissiyasına tam hesabat təqdim etməli olacaq və bu zaman ianələrin tam məbləği açıqlanacaq.