Rusiya NATO ölkələrinə hücum edəcək? - Alman rəsmisindən xəbərdarlıq

Almaniya Müdafiə Nazirliyinin Ukrayna məsələləri üzrə xüsusi qərargahına rəhbərlik edən general-mayor Kristian Freydinq Rusiyanın lazım olandan artıq silahlanması ilə əlaqədar NATO ölkələrinə xəbərdarlıq edib.

Teleqraf.com xəbər verir ki, bu barədə o, “Die Welt” jurnalında dərc olunan məqaləsində yazıb.

“Rusiya ordusu hər ay daha çox tank, daha çox döyüş sursatı, daha çox raket, daha çox pilotsuz təyyarə alır. İstehsalını artırır, anbarlardakı ehtiyatlarını artırır”, - deyə hərbi ekspert bildirib.

O ehtimal edir ki, Rusiya NATO ölkələrinə hücuma hazırlaşır və Moskva bunun üçün açıq şəkildə ilkin şərtlər yaradır.