Ərəb ölkəsinin rəsmiləri Ermənistanda – “Buna görə gəlmişik”

Ermənistan yüksək texnologiyalar sənayesi naziri Robert Xaçaturyan Birləşmiş Ərəb Əmirliklərinin (BƏƏ) Ticarət və Sənaye Palataları Federasiyasının prezidenti Abdullah əl-Məzruinin başçılıq etdiyi nümayəndə heyətini qəbul edib.

Teleqraf.com xəbər verir ki, görüşə BƏƏ-nin Ermənistandakı səfiri Nəriman Məhəmməd Şərif əl-Mulla da qatılıb.

Xaçaturyan ümidvar olduğunu bildirib ki, BƏƏ nümayəndə heyətinin səfəri ikitərəfli münasibətlərin möhkəmlənməsinə töhfə verəcək və əməkdaşlığın yeni istiqamətlərini müəyyənləşdirəcək.

Abdullah əl-Məzrui qeyd edib ki, BƏƏ nümayəndə heyəti Ermənistana iki ölkənin özəl sektorları arasında işgüzar əlaqələrin inkişafına kömək etmək üçün gəlib. O, həmçinin ikitərəfli işgüzar əlaqələrin və xüsusilə texnoloji sektorda əməkdaşlığın inkişafında Ermənistan Yüksək Texnologiyalar Sənayesi Nazirliyinin əsas rolunu vurğulayıb.