Fransanı ələ saldı – “Əlində qalan texnikaları Ermənistana satdı”

Ermənistanın Fransaya məxsus “Bastion” zirehli texnikası ilə təmin edilməsinin üstünlükləri ilə bağlı arqumentlər çox sadəlövh görünür.

Teleqraf.com xəbər verir ki, bunu Rusiya Xarici İşlər Nazirliyinin sözçüsü Mariya Zaxarova deyib.

“Bu texnikalar Ukraynada real döyüş şəraitində çox aşağı effektivlik nümayiş etdiriblər. Yaxşı, bilmirəm, sadəcə nümayiş etdirilsəydi, bəlkə də məntiqli olardı. Effektivliyinə baxmaq istəsəniz, buyurub gələ bilərsiniz, hərbçilərimiz sizə deyəcək.

Bu, Parisin səyləri baxımından hansı anlama gəlir? Fransa sadəcə İrəvana yararsız texnikalar satıb, çünki başqa yerlərə sata bilmədi. Bu satın almanın Ermənistanın suveren ərazisinin təhlükəsizliyini tam olaraq necə gücləndirə biləcəyi sirr olaraq qalır. Onu da qeyd edim ki, sənayenin müxtəlif sahələrindən hərbi texnikaların toplanması heç vaxt müdafiə qabiliyyətinin artırılmasına töhfə verməyib”, - Rusiya rəsmisi vurğulayıb.