Məşhur jurnalistin xatirəsi yad olundu

Azərbaycan Mətbuat Şurasının Ahıl Jurnalistlər Məclisinin təşkilatçılığı ilə Əməkdar mədəniyyət işçisi, jurnalist, professor Tofiq Rüstəmovun anadan olmasının 80 illiyi münasibətilə xatirəsi anılıb.

Teleqraf.com-un məlumatına görə, tədbirdə Mətbuat Şurasının sədri Əflatun Amaşov çıxış edərək Tofiq Rüstəmovun həyat və yaradıcılığından danışıb, tanınmış jurnalist Məzahir Süleymanzadə onun haqqında xatirələrini bölüşüb.

Bakı Dövlət Universitetinin jurnalistika fakültəsinin dekanı, professor Cahangir Məmmədli Tofiq Rüstəmovu Azərbaycan jurnalistikasının, tərcümə sənətinin brendi kimi dəyərləndirib.