Finlandiya müşahidəçisi: "Kənar müdaxilə qeydə alınmadı"

Seçki prosesində heç bir kənar müdaxilə qeydə alınmadı.

Teleqraf.com xəbər verir ki, bunu Finlandiya Müşahidə Qrupunun nümayəndəsi Yuha Korkeaoya Azərbaycanda 11 apreldə keçirilən prezident seçkilərinin müşahidə yekunu ilə bağlı mətbuat konfransında deyib.

Onun sözlərinə görə, Azərbaycanda 11 aprel tarixində keçirilən prezident seçkilərini müşahidə etdik: "Seçki məntəqələrinin yaxınlığında kampaniya aparılmadı. Məntəqələrə sərbəst və məhdudiyyətsiz giriş var idi. Seçki prosesində heç bir kənar müdaxilə qeydə almadıq. Mərkəzi Seçki Komissiyası 900 beynəlxalq müşahidəçini akkreditasiya etmişdi və seçki prosesinin çoxsaylı müşahidə missiyaları tərəfindən izlənilməsi şəffaflığın artırılmasına öz töhfəsini veridi. Səsverməyə start verilməmişdən qabaq heç bir seçki qutusunda bülleten yox idi".

Yuha Korkeaoya qeyd edib ki, məntəqələrin qarşısında "exitpol"lar, o cümlədən Fransa və ABŞ şirkətləri tərəfindən tədqiqatlar aparılırdı.