17 İyul 2018 15:12
513
12 Punto 14 Punto 16 Punto 18 Punto

"Gəncədə baş verən hadisələr terror aktıdır. Bu hadisələri törədənlər hüquq-mühafizə orqanlarının əməkdaşları tərəfindən saxlanılıblar. İstintaq gedir və bu şəxslərin arxasında duranların kimlər olduğu araşdırlır. İlkin məlumatalara görə, bunlar din pərdəsi altında öz çirkin niyyətlərinə həyata keçirən cinayətkarlardır".

Bunu Gəncə İmamzadə Dini Kompleksində Qafqaz Müsəlmanları İdarəsinin (QMİ) təşkilatçılığı ilə keçirilən müşavirədən sonra jurnalistlərə açıqlamasında Dini Qurumlarla İş üzrə Dövlət Komitəsinin sədri Mübariz Qurbanlı deyib.

"Bu hadisələrin ssenarasi əvvəlcədən hazırlanıb. Onların məqsədləri Azərbaycanda siyasi, ictimai sabitliyi pozmaq və Azərbaycan xalqının sosial rifah halını aşağı salmaq və müstəqilliyinə xələl gətirməkdir. Lakin bu ssenarini həyata keçirmək istəyənlərin niyyəti baş tutmadı. Onlar tam iflasa uğradılar. Prezident İlham Əliyev artıq hadisələrə hüquqi, siyasi qiyməti verib. Bu cinayəti törədənlərin İslam dininə və müsəlmanlara heç bir aidiyyati yoxdur. Bu cinayətkarlar Azərbaycana qarşı olan dairələrin nümayəndələridir. Bunların əməlləri cəzasız qalmayacaq və onlar ədalət məhkəməsi qarşısında mütləq cavab verəcəklər", - deyə, M.Qurbanlı əlavə edib.


Müəllif: Mənbə/Report