Prezidentlərin birgə bəyanatı təsdiq olundu

Azərbaycan və Belarus prezidentlərinin 2018-ci il noyabrın 19-da Minsk şəhərində imzalanmış Birgə Bəyanatı təsdiq edilib.

Teleqraf.com xəbər verir ki, Milli Məclisin bu gün keçirilən iclasında “Azərbaycan Respublikasının Prezidenti və Belarus Respublikasının Prezidentinin Birgə Bəyanatının təsdiq edilməsi haqqında” qanun layihəsi müzakirəyə çıxarılıb.

Qeyd edilib ki, Azərbaycanla Belarus arasında yüksək səviyyəli əlaqələr mövcuddur və bu bəyanatın təsdiq edilməsi iki ölkə arasında münasibətlərin inkişafına mühüm töhfə verəcək.

Daha sonra bəyanat səsə qoyularaq qəbul edilib.