MHP Xocalı faciəsi ilə bağlı paylaşım etdi - Foto

Türkiyənin Milləyətçi Harakat Partisi (MHP) Xocalı faciəsinin 31-ci ildömümü münasibətilə paylaşım edib.

Teleqraf.com xəbər verir ki, bu barədə partiyanın tviterində yazılıb:

“Şəhid olan bütün soydaşlarımızı rəhmət və dualarla anırıq. Ruhları şad, məkanları cənnət olsun”, - paylaşımda bildirilib.

Qeyd edək ki, Xocalı soyqırımından 31 il ötür. 1992-ci il fevralın 25-dən 26-na keçən gecə erməni silahlı dəstələri keçmiş sovet ordusunun Xankəndi şəhərində yerləşən 366-cı alayının iştirakı ilə Xocalı şəhərini yerlə-yeksan edib. Erməni təcavüzkarlarının Azərbaycan xalqına qarşı törətdiyi növbəti kütləvi qırğın nəticəsində 613 nəfər, o cümlədən 106 qadın, 63 uşaq, 70 qoca xüsusi amansızlıqla qətlə yetirilib, 1275 dinc sakin əsir götürülüb, 150 nəfərin taleyi isə hələ də məlum deyil. Bu soyqırımı aktı nəticəsində 8 ailə tamamilə məhv edilib, 25 uşaq hər iki valideynini, 130 uşaq isə valideynlərindən birini itirib.