“Fətullah Gülənin məktubunu Elçibəyə özüm gətirmişəm” - AXCP üzvü

Azərbaycan Xalq Cəbhəsi Partiyasının (AXCP) üzvü Daşqın Ağalarlı AXCP ilə Fətullah Gülənin münasibətləri haqda maraqlı fikirlər işlədib. Teleqraf.com xəbər verir ki, D. Ağalarlı Feysbuk-da iddia edib ki, Fətullah Gülənin məktubunu şəxsən mərhum prezident Əbülfəz Elçibəyə özü gətirib.

Cəbhəçi bildirib ki, AXCP-nin Nəsimi rayon təşkilatının üzvü İslam Səmədov vasitəsilə Gülən camaatının mənsubları ilə ilk dəfə 1989-cu ildə tanışlığı olub: “1990-cı ilin sonlarından Becan Fərzəliyevin Yasamal rayonundakı mənzilində camaatın təmsilçiləri ilə geniş söhbətin iştirakçısı olmuşam. 1991-ci ilin may-iyun aylarında “İnkişaf” Assosiasiyasının prezidenti və AMİP Siyasi Şurasının üzvü Vaqif Kərimovun təşkilatçılığı ilə İstanbula səfərim zamanı camaata məxsus məktəblərlə yaxından tanış olmuşam. Bu səfər zamanı Gülən camaatının öndə gedən nümayəndələrindən İlhan İsbilen və Kamal adlı şəxs tərəfindən İzmir şəhərinə dəvət edildim. Və Fətullah Gülənin məktubunu rəhmətlik Əbülfəz Elçibəyə gətirmişəm. Sonrakı dövrlərdə də əlaqələrim olub. AXC hakimiyyəti dönəmində Əbülfəz Elçibəy camaatın müraciətlərində məni də müzakirələr prosesinə daxil etmişdi. Əbülfəz Elçibəy “Çağ Öyretim” məktəbləri məsələsində istisnasız olaraq dünyəvi təhsili və müəllimlərin Azərbaycandan seçilməsini şərt kimi irəli sürürdü. Ancaq bu məktəblər AXC hakimiyyəti iqtidardan getdikdən sonra fəaliyyətə başladı”.

Cavad