Krıma gedən azərbaycanlılara pis xəbər

Ukraynanın icazəsi olmadan Krıma gedənlər ölkəyə buraxılmır.

Teleqraf.com xəbər verir ki, ötən gün Azərbaycan vətəndaşı Krımdan Ukraynaya keçməyə çalışsa da, sərhədçilər həmyerlimizi geri qaytarıblar.

Sərhəd Xidmətindən bildiriblər ki, Azərbaycan vətəndaşı müvəqqəti işğal edilmiş Krım ərazisinə icazəsiz daxil olduğu üçün ölkəyə buraxılmayıb.

Soydaşımızın sərhədçilərə rüşvət təklifi də işə keçməyib. Adı açıqlanmayan Azərbaycan vətəndaşına üç il müddətinə Ukraynaya giriş qadağan olunub.