İngilis səfir Türkiyə qalmaqalı haqda: “Bu, bir nəfərin işidir…”

NATO-nun Norveçdəki təlimləri zamanı baş verən və Türkiyəni narahat edən qalmaqal utancvericidir.

Teleqraf.com xarici mediaya istinadla xəbər verir ki, bu sözləri İngiltərənin Ankaradakı səfiri Riçard Mor deyib:

“Türkiyəni anlayıram, ancaq bu, NATO-nun deyil, bir nəfərin işidir. NATO tez bir zamanda üzr istədi”.

Bundan başqa, Mor YPG-nin Rakkada İŞİD terrorçularına yardım etməsinə də münasibət bildirib:

“Bu məsələdən ABŞ-ın rəhbərlik etdiyi koalisiyanın xəbəri olub, ancaq qarşısını ala bilməyib”.

Mor Türkiyənin Rusiyadan S-400 sistemləri almasının Ankaranın şəxsi işi olduğunu qeyd edib:

“Bununla əlaqədar Türkiyənin NATO-dan uzaqlaşması ilə bağlı yayılan informasiyalar absurddur. Türkiyə NATO-nun etibarlı tərəfdaşıdır”.