Sərxoş kişi körpələr evində cinayət törətdi – Şəmkirdə

Şəmkir rayonunda oğurluq hadisəsi baş verib.

Teleqraf.com xəbər verir ki, hadisə rayonun Aşağı Seyfəli kəndində yerləşən körpələr evi-uşaq tərbiyə müəssisəsində qeydə alınıb.

Müəssisənin rəhbərliyi Şəmkir rayon polis şöbəsinə müraciət edərək bildirib ki, gecə oradan 2 ədəd kompyuter, 2 ədəd DVD və digər qiymətli əşyalar oğurlanıb.

Polis əməkdaşları tərəfindən keçirilən əməliyyat-axtarış tədbirləri nəticəsində oğurluğu törətməkdə şübhəli bilinən 1985-ci il təvəllüdlü, Aşağı Seyfəli kənd sakini Mahir Qurbanov şübhəli qismində saxlanılıb.

Onun yaşadığı ünvana baxış keçirilərkən oğurlanan əşyalar aşkarlanaraq istintaqa təhvil verilib.

​İlkin dindirmə zamanı o, törətdiyi hadisəni etiraf edib və ifadəsində hadisə vaxtı ağır dərəcəli sərxoş olduğunu və törətdiyi əməldən peşman olduğunu bildirilib.

Faktla bağlı araşdırmalar davam etdirilir.