Polis bölməsində saxlanılan şəxs intihara cəhd etdi

Sabunçu rayon Polis İdarəsinin 15-ci polis bölməsində bir nəfər intihara cəhd edib.

Teleqraf.com xəbər verir ki, Sabunçu rayonu ərazisində şübhəli şəxs qismində saxlanılaraq polis bölməsinə gətirilən 1994-cü il təvəllüdlü Abbasov Təbriz Elbrus oğlu özünü bölmənin ikinci mərtəbəsindən yerə atıb.

Təbriz Abbasov ağır bədən xəsarətləri ilə 3 saylı şəhər Klinik Xəstəxanasına yerləşdirilib.

Daxili İşlər Nazirliyinin Mətbuat xidmətindən faktı təsdiqləyiblər.

Bildirilib ki, Sabunçu rayon Polis İdarəsinin 15-ci polis bölməsində özünə xəsarət yetirən şəxs narkotik aludəçisidir, narkotik vasitələrin qanunsuz dövriyyəsində şübhəli bilinir: “O qaçmağa cəhd göstərərkən yıxılaraq xəsarət alıb. Müvafiq xəstəxanaya yerləşdirilib. Müalicəsi davam etdirilir”.

Faktla bağlı araşdırma aparılır.