AFFA-da istefa: Komitə sədri vəzifədən getdi

Tofiq Fətullayev öz istəyi ilə AFFA-nın İntizam Komitəsinin sədri vəzifəsindən ayrılıb.

Teleqraf.com-un məlumatına görə, bu vəzifə hazırda İntizam Komitəsinin üzvü olan Erkin Hüseynova həvalə edilib.

İcraiyyə Komitəsinin növbəti iclasında İntizam Komitəsinin tərkibi barədə müvafiq qərarın qəbul olunması nəzərdə tutulub.

AFFA-nın rəhbərliyi T.Fətullayevə uzunmüddətli səmərəli fəaliyyətinə görə minnətdarlığını bildirib.