“Qarabağ” “Qalatasaray”la qarşılaşa bilər

Ötən gecə Çempionlar Liqasında “Kopenhagen”ə 0:1 hesabı ilə uduzan “Qalatasaray” Avropa Liqasının 1/16 finalında mübarizə aparacaq.

Teleqraf.com xəbər verir ki, “Qalatasaray”ın bu mərhələdə “Qarabağ”la da üz-üzə gəlmək ehtimalı var.

Ağdam təmsilçisi Avropa Liqasında pley-off mərhələsinə vəsiqə qazanarsa, “Qalatasaray” potensial rəqiblərdən olacaq.

Bu mövsüm ÇL-dən Avropa Liqasına yollanan digər komandalar isə “Benfika”, “Feyenoord”, “Lans”, “Yanq Boyz” və “Braqa”dır.

Avropa Liqasının pley-off mərhələsinin püşkü dekabrın 18-də atılacaq.