UEFA bu hərəkətinə görə Merihi cəzalandıracaq

UEFA Türkiyə yığmasının üzvü Merih Demiralı Avstriya ilə matçdakı qol sevincinə görə cəzalandıra bilər.

Teleqraf.com xəbər verir ki, bu barədə Türkiyə mətbuatı məlumat yayıb.

Bildirilib ki, M.Demiral qol sevincini “bozqurd” işarəsi ilə qeyd etdiyinə görə qitə futbol qurumunun Nizam-İntizam Komitəsi araşdırmalara başlayıb.

Onlar futbolçu barədə yaxın günlərdə son qərarı verəcək.

Qeyd edək ki, Türkiyə AÇ-2024-ün 1/8 finalında Avstriyanı məğlub edərək 1/4 finala adlayıb. Onlar burada Niderlandla qarşılaşacaq.