Droqba yeni komandasında debüt etdi

"Çelsi"nin sabiq futbolçusu Didye Droqba yeni komandası "Monreal İmpakt"ın heyətində ilk matçına çıxıb.

ANS PRESS-in məlumatına görə, 37 yaşlı futbolçu ABŞ çempionatında "Filadelfiya Union"la görüşdə debüt edib. Matçın 59-cu dəqiqəsində meydana daxil olan Droqba komandasını məğlubiyyətdən xilas edə bilməyib. Oyun 1:0 hesabı ilə "Filadelfiya Union"un qələbəsi ilə başa çatıb.

Qeyd edək ki, ötən mövsümü "Çelsi"də keçirən Droqba azad agent statusu alaraq "Monreal İmpakt"a transfer olunub.