Münaqişəni izləyirik, ABŞ və Çindən asılıdır - Yellen

“Qlobal iqtisadiyyat ABŞ və Çin iqtisadiyyatlarına bağlıdır. Dünya iqtisadiyyatı ilə bağlı narahatlıqların aradan qaldırılması üçün tərəflər birgə fəaliyyət göstərməlidir. Hər iki ölkə bunun zəruri və arzulanan olduğunu qəbul edib və iqlim dəyişikliyi ilə mübarizə kimi kritik məsələlərdə əməkdaşlığa ehtiyac olduğu barədə razılığa gəlib”.

Teleqraf.com xəbər verir ki, bunu ABŞ maliyyə naziri Cannet Yellen Beynəlxalq Valyuta Fondu (BVF) və Dünya Bankının Mərakeşdə təşkil edilən illik toplantısında deyib.

Nazir bu həftə Çin mərkəzi bankının sədri Pan Qonşinqlə görüşəcəyini də vurğulayıb: “Düşünürəm ki, əlaqələrimizin dərinləşdirilməsində mühüm irəliləyiş əldə etmişik. Hər iki ölkəni də maraqlandıran iqtisadi və maliyyə məsələləri ilə bağlı ünsiyyət qururuq. Borc məsələsini müzakirə edə biləcəyimiz yaxşı kanallarımız var”.

Yellen İsrail-Fələstin münaqişəsini izlədiklərini qeyd edib: “Münaqişənin potensial iqtisadi təsirlərini izləyirik, lakin vəziyyətin hazırda qlobal iqtisadi perspektivə təsir edəcəyini düşünmürük.

Ukraynadakı müharibə qlobal iqtisadi dünyagörüşünə xələl gətirməkdə davam edir. Aşağı gəlirli ölkələr üçün ciddi xərc yaradır, neft və ərzaq qiymətlərinin artmasına səbəb olur. İsraildəki vəziyyət də narahatlığı artırır”.