"iPhone 5" köhnəlmiş qurğular siyahısında

"Apple" şirkəti "iPhone 5" məhsullarını köhnəlmiş qurğular siyahısına daxil edib.

Teleqraf.com xəbər verir ki, sözügedən smartfonu Amerika korporasiyasının rəsmi servis mərkəzlərində artıq təmir etdirmək mümkün olmayacaq.

"Apple" şirkəti öz qadcetlərinin işini onların istehsalı dayandırıldıqdan sonrakı beş il ərzində dəstəkləyir.

"iPhone 5" smartfonu 2012-ci ilin sentyabrında buraxılıb. Bütün istehsal dövrü ərzində 70 milyondan çox qadcet nüsxəsi satılıb.