Yaponiya alimləri gövdə hüceyrələrindən göz yetişdiriblər

Yaponiyanın Osaka Universitetinin alimləri ilk dəfə gövdə hüceyrələrindən gözün əsas elementlərini yetişdirməyə nail olublar.

Mütəxəssislər "iPS” hüceyrələrindən tor qişası və göz bülluru yaratmaq üçün epitel hüceyrələri dovşanın gözünün buynuz qişasına köçürüblər.

“ICTnews” Elektron Xəbər Xidməti “Komsomolskaya Pravda” resursuna istinadən yazır ki, alimlərin fikrincə, belə köçürmə əməliyyatı uğurla nəticələnəcək və xəstənin öz hüceyrələrindən yetişdirilən hüceyrələri toxumaların zorla ayrılması təhlükəsi olmadan köçürmək mümkün olacaq.

Lakin qeyd etmək lazımdır ki, texnologiya insan üzərində sınaqdan keçirilməzdən əvvəl hələ çoxlu eksperimentlər aparılmalıdır. Belə ki, mütəxəssislər güman edirlər ki, yetişdirilmiş toxumaların orqanizmə köçürülməsi bədxassəli şişin yaranmasına səbəb ola bilər.