Poroşenkonun xanımı siyasətə gəlir?

Ukrayna Prezidenti Petro Poroşenkonun xanımı Marina nə vaxtsa siyasətlə məşğul ola biləcəyini istisna etməyib.

Teleqraf.com xəbər verir ki, bu barədə Ukrayna KİV-ləri məlumat yayıb.

“Hazırda mən bu barədə düşünmürəm. Amma bilirsiniz, belə bir söz var: heç vaxt demə ki, heç vaxt”, - deyə M.Poroşenko jurnalistin sualına cavab verib.

Ukraynanın birinci xanımı “özünüzə nəyi heç vaxt rəva görməzsiniz” sualına cavabında isə “subardinasiyanı pozmağı özümə heç vaxt rəva görmərəm”, deyib.

Qeyd edək ki, bir neçə gün öncə TASS agentliyinə müsahibə verən Ukrayna Prezidenti P.Poroşenko növbəti prezident seçkilərində iştirak edib-etməyəcəyi barədə suala birbaşa cavab verməkdən yayınıb. P.Poroşenko deyib ki, bu barədə danışmaq hələ tezdir.

Səxavət