Cəlaloğlu: Londona getmək istəyirəm, amma...

Azərbaycan Demokrat Partiyasının sədri Sərdar Cəlaloğlu Böyük Britaniyaya getmək istəyir, lakin bunun üçün lazım olan vəsaiti yoxdur.

Bu haqda Teleqraf.com-a partiya sədrinin özü bildirib.

Sərdar Cəlaloğlu bildirib ki, Londona getmək fikri var, amma imkanı yoxdur: “İmkanımızı müəyyən etdikdən sonra fikrimizi həyata keçirəcəyik. Yəqin ki, bu ay və ya gələn ay Londona gedəcəyəm. Ancaq bu, şəxsi bir səfərdir. Bu səfərin siyasətlə hər hansı bir əlaqəsi yoxdur. Odur ki, burada siyasi çalarlar axtarmağa dəyməz”.