10 İyul 2019 19:06
1 014
12 Punto 14 Punto 16 Punto 18 Punto

İngiltərə və Fransa Suriyadakı hərbi qüvvələrinin sayını 15% artırmaq barədə qərar qəbul edib.

Teleqraf.com xəbər verir ki, bu barədə İngiltərədə nəşr olunan “The Guardian” qəzeti məlumat yayıb.

Məlumata görə, bu iki ölkə ABŞ-ın öz hərbi qüvvələrini geri çəkməsi ilə yaranacaq boşluğu doldurmaq üçün Suriyaya əlavə hərbi birliklər göndərməyi planlaşdırır.

Almaniyanın Suriyaya hərbi birlik göndərməkdən imtina etdiyi, İtaliyanın isə məsələni müzakirə etdiyi bildirilib.

ABŞ-ın Suriyada saxladığı 2-2500 hərbçisinin sayını 400-ə qədər azaltması gözlənilir.

Hazırda İngiltərə və Fransanın Suriyada nə qədər canlı hərbi qüvvə saxladığı gizli saxlanılır.


Müəllif: Mənsur Rəğbətoğlu