MSK ABŞ səfirliyinin əməkdaşının şikayətinə baxdı

Mərkəzi Seçki Komissiyasının iclasında 94 Bərdə kənd seçki dairəsi üzrə namizəd Qulu Quliyevin şikayətinə baxılıb.

Teleqraf.com-un məlumatına görə, MSK üzvü Tofiq Həsənov bildirib ki, protokollarla rəsmi nəticələr demək olar eynilik təşkil edib. Ona görə də şikayət təmin edilməməlidir.

Namizədin özünün iştirakı ilə keçirilən müzakirədən sonra şikayət təmin edilməyib. Qeyd edək ki, Qulu Quliyev ABŞ-n Azərbaycandakı səfirliyinin mühafizə xidmətinin əməkdaşıdır.