Fərruxdan təhlükə görən Ermənistan: Qüsurlu fəlsəfədir... - Açıqlama

Azərbaycanın öz ərazisində suveren hüquqlarını həyata keçirməsi hələ də Ermənistanda qəribə reaksiya yaradır. Fərrux kəndi ətrafında son hadisələri erməni siyasətçiləri Ermənistana təhlükə kimi qiymətləndirirlər.

Bunu Teleqraf.com-a Milli Məclisin deputatı Aydın Mirzəzadə deyib.

O qeyd edib ki, bu yanaşma çox əcaib və qüsurlu bir fəlsəfədir: “Ermənistan hələ də dərk etmir ki, onun problemlərinin kökündə qonşu dövlətlərin ərazilərinə iddia durur. Bu yanaşmadan əl çəkməyənə qədər onun problemləri çoxalacaq”.

Aydın Mirzəzadə hesab edir ki, Azərbaycan öz hüquqlarını Ermənistandan soruşmadan həyata keçirmək əzmindədir”.