“SHERVIN NAJAFPOUR” dünya mediasında dəfələrlə erməni yalanlarını ifşa etdi - Foto

Bildiyiniz kimi, dünya Azərbaycanın Ermənistan ilə dövlət sərhədində “Laçın” dövlət sərhədindən buraxılış məntəqəsini yaratması ilə erməni yalanlarının yeni dalğasına şahid olmağa başladı. Yalana “həqiqət donu” geyindirərək dünyaya sırımağa çalışan ermənilərin həyasızlığına və məkrliyinə dair tarixdə saysız-hesabsız nümunələr var. Lakin, təəssüf doğuran hal odur ki, dünya ictimaiyyəti ermənilərin bu manipulyasiyalarına və yalanlarına nəinki inanır, hətta bəzən onun fəal iştirakçısına, alətinə çevrilir. Çox təəssüf ki, bu hala beynəlxalq ictimaiyyətin ermənilərin Azərbaycanın Qarabağdakı erməni əhalisinin guya “blokada”da qalması və “humanitar fəlakət” hay-küyünə qulaq verməsində bir daha şahid oluruq. Lakin yalan ayaq tutar, yeriməz deyirlər. Qarabağdakı ermənilərin bu yalanları elə onların özləri tərəfindən biabırçı formada üzə çıxarılır. Norveçin nüfuzlu “Aftenposten”, “Klassekampen” və “Utrop” qəzet, jurnallarında habelə kütləvi informasiya vasitələrində dərc olunan “Azərbaycana qarşı əsassız ittihamlar irəli sürülür”, “Qarabağın lənəti” və “Qarabağ: Blokada şəraitində dəbdəbli istiqamət?” sərlövhəli məqalələrində Qarabağdakı ermənilərin guya “humanitar fəlakət”lə üzləşmələri barədə erməni yalanlarından bəhs edilib.

Məqalənin müəllifi, Norveç doğumlu, əslən cənubi azərbaycanlı, qadın geyimi brendinin yaradıcısı, modelyer-dizayner, “CAN” diaspor təşkilatının sədri Şervin Nəcəfpurun (“SHERVIN NAJAFPOUR”) qələmə aldığı yazıda “Laçın” dövlət sərhədindən buraxılış məntəqəsinin yaradılmasından sonra Qarabağdakı ermənilərin guya blokadada qalmaları barədə əsassız iddiaları müəllifin topladığı, Qarabağdakı ermənilərin gündəlik həyatları ilə bağlı sosial şəbəkələrdəki paylaşımları ilə alt-üst edilib. Məqalələrdə vurğulanıb ki, Azərbaycana qarşı guya Qarabağdakı erməni əhalisini qida, su, dərman, yanacaq və elektrik enerjisi ilə təmin olunmadan dünyanın qalan hissəsindən təcrid etməsi ilə bağlı əsassız ittihamlar irəli sürülür. Lakin Azərbaycan ermənilərin bütün ehtiyaclarını ödəməyə hazırdır. Azərbaycan Qarabağa malların daşınması üçün Ağdam rayonu ilə Xankəndi arasındakı açıq yoldan istifadə olunmasını təklif edir. Lakin bu təklifi qəbul etməyən ermənilərin “humanitar böhran” və “blokada” iddialarının sırf siyasi manipulyasiya olduğu xüsusi vurğulanıb. Ermənistan KİV-lərinin, eləcə də ermənilərin bəzi havadarlarının da bu siyasi manipulyasiyalardan faydalanmağa və erməni yalanlarını daha da şişirtməyə çalışdıqları bildirilib.
Ş.Nəcəfpurun Qarabağın erməni sakinlərinin gündəlik həyatları ilə bağlı sosial şəbəkələrdən topladığı paylaşımlar onların “blokada” şəraitində yaşamaları, “humanitar fəlakət” ilə üzləşdikləri yalanlarını tamamilə ifşa edir. “Xankəndi mənim sosial mediadakı axtarışlarıma əsaslansaq, arzulanan yer kimi görünür. Ümid edirəm ki, norveçli jurnalistlər araşdırma aparmaq üçün təşəbbüs göstərəcəklər”, - deyə Ş.Nəcəfpur məqalədə vurğulayıb.

BP Azərbaycan şirkətinin Hökumətlə işlər üzrə baş müşaviri, Qarabağ müharibəsi veteranı Qivami Rəhimli “Aftenposten” nəşrində dərc olunan “Azərbaycana qarşı əsassız ittihamlar irəli sürülür” məqaləsi ilə bağlı şərhində ermənilərin yalan danışmaq “istedadı” barədə qeyd edib: “Ermənilərin tarixi faktları saxtalaşdırmaq, qərəzli iddiaları, xüsusən də guya onların əzablara məruz qalması barədə yalanları şişirtmək ənənəsi bu gün də davam edir. Ermənisayağı saxta xəbərlər media orqanlarına yol tapmaqla beynəlxalq ictimaiyyətin diqqətini yayındırır. Necə ki, Ermənistanın Spitak rayonunda baş verən zəlzələ zamanı, “Azadlıq Radio”sunun qeyd etdiyi kimi, “...ermənilərin zəlzələdən xilasetmə işləri barədə xəbərləri həqiqət sayıla biləcək qədər çox yaxşı idi”. Ermənilərin uydurma xəbərləri bu gün də həmin köhnə qaydada yayılmaqda davam edir. Amma köhnə bir məsəldə deyildiyi kimi: “Şahid həqiqəti deyəndə insanların həyatını xilas edir; yalan danışanda insanlara xəyanət edir”.

Qeyd edək ki, Şervin Nəcəfpur, həmişə xüsusi vurğulayır ki, ümummilli lider Heydər Əliyev daim beynəlxalq təşkilatların tribunalarından erməni yalanlarını dünya ictimaiyyətinə çatdırırdı. Bu gün bu siyasi missiya Prezident İlham Əliyev tərəfindən davam etdirilir. Ancaq, Azərbaycan Respublikasının Diasporla İş üzrə Dövlət Komitəsi Şervin Nəcəfpur kimi həmişə vətəni üçün çalışan, Azərbaycan adını bir flaqman kimi həmişə zirvələrə daşıyan, hər zaman Qarabağ həqiqətlərini və eyni zamanda erməni yalanlarını media və nümayişlər vasitəsilə dünyaya çatdıran vətən eşqi ilə yaşayan, hər daim Azərbaycanın və Azərbaycan xalqının mənafeyini qoruyan, zamanından, məkanından aslı olmadan sədaqətlə bağlı olan azərbaycanlılara heç bir zaman lazımi dəstək göstərməmiş, əksinə maneələr yaratmağa çalışmış, sözügedən vətəninə, torpağına sadiq olan bu azərbaycanlıların gördüyü işləri öz adına çıxarmağa çalışmış, bacarmadıqları halda isə vətən xaini kimi tanıtmağa çalışmışdır. Milyonlarla azərbaycanlılar dünya üzrə müxtəlif ölkələrdə yaşayırlar. Məhz, Şervin və onun timsalında digər vətəninə, xalqına bağlı olan azərbaycanlıların Azərbaycanın mənafeyi üçün gördüyü yaxşı işlərə bəzi məmur özbaşınalıqları səbəbilə lazımi dəyər verilmir və lobbiçilik siyasətimiz gerçəkləşmir.