Lerikə qar yağdı

Hava şəraiti kənd təsərrüfatına ciddi ziyan vurub

Lerik rayonunda qeyri-sabit hava şəraiti kənd təsərrüfatına ciddi ziyan vurub.

Teleqraf.com "Report"a istinadən xəbər verir ki, iki gündür rayonun yüksək dağlıq ərazilərinə qar yağır və hazırda Orand, Zuvand ərazilərinə daxil olan kəndlərə yağmaqda davam edir. Bu da meyvə ağaclarının məhsuldarlığına ciddi təsir göstərir.

Bundan əlavə, yaz mövsümündə yağışın yağmaması, əksinə küləkli hava şəraitinin çox davam etməsi taxıl sahələrinə, eləcə də digər əkin yerlərinə problemlər yaradır.