Hövsan məktəbindəki əxlaqsız olayla bağlı - Rəsmi qərar

Paytaxtdakı 281 nömrəli tam orta məktəblə bağlı aparılan araşdırma nəticəsində təhsil müəssisəsinin 2 nəfər pedaqoji işçisi "Müəllimlərin etik davranış qaydaları"nın tələblərini pozduğuna, məktəbin direktoru pedaqoji kollektivə rəhbərlik və nəzarət işində yol verdiyi nöqsanlara və ümumilikdə, vəzifə funksiyalarını keyfiyyətsiz yerinə yetirdiyinə görə mövcud qanunvericiliyə uyğun olaraq tutduqları vəzifədən azad olunublar.

Bu barədə Teleqraf.com-a Bakı şəhəri üzrə Təhsil İdarəsindən məlumat verilib:

"Bəzən təhsil müəssisələrində olmayan hadisələr barədə ajiotaj yaratmaq cəhdləri təbii ki, ikrahla qarşılanır. Bu hal da göstərir ki, nöqsan olan yerdə qəti tədbir görülür. Yəni, təhsili idarəetmə qurumları nöqsanı gizlətmir. Əksinə nöqsanların aradan qaldırılmasında ən çox maraqlı tərəf təhsili idarəetmə orqanlarıdır".

Qeyd edək ki, Hövsan qəsəbəsində yerləşən Vaqif Mirzəliyev adına 281 nömrəli orta məktəbdə əxlaqsız olay baş verdiyi barədə məlumat yayılmışdı.

Məlumata görə, kişi müəllimlərdən biri qadın müəlimənin intim videsonu yaymaqla onu şantaj etmişdi.