FHN Akademiyasında oxumaq istəyənlərin nəzərinə!

2019-cu il 3 aprel tarixində saat 15:00-dan etibarən Fövqəladə Hallar Nazirliyinin “Facebook” sosial şəbəkəsindəki səhifəsində (https://www.facebook.com/officialfhn) “Fövqəladə Hallar Nazirliyinin Akademiyasına 2019/2020-ci tədris ili üçün təhsilin bakalavriat səviyyəsinə kursant qəbulu qaydaları” mövzusunda birbaşa sual-cavab təşkil olunacaq.

Teleqraf.com xəbər verir ki, nazirliyin ictimaiyyətlə əlaqə idarəsinin əhalinin maarifləndirilməsi işinin təşkili şöbəsinin baş zabiti Gülçin Mehdiyevanın moderatorluq edəcəyi canlı efirdə suallar FHN Kadr siyasəti baş idarəsinin Kadrların qeydiyyatı idarəsinin rəisi Hikmət Osmanov və Akademiyanın Tədris şöbəsinin rəis müavini Ramiz Əsilbəyli tərəfindən cavablandıracaq.

Qeyd edilən canlı yayımda iştirak etmək istəyən şəxslər həmin vaxt Fövqəladə Hallar Nazirliyinin “Facebook” sosial şəbəkəsindəki səhifəsinə daxil olub suallarını verə bilərlər. Yayımda ancaq mövzuya dair suallar cavablandırılacaq.