Dövlətlər öz siyasətində bunu nəzərə almalıdırlar - PA rəsmisi

Səhiyyə və sağlamlıq hüququ insan hüquqlarının tərkib hissəsidir.

Teleqraf.com xəbər verir ki, bu sözləri Azərbaycan Respublikası Prezidentinin köməkçisi, Prezident Administrasiyasının Xarici siyasət məsələləri şöbəsinin müdiri Hikmət Hacıyev Nazirlər Kabineti yanında Operativ Qərargahın brifinqində deyib:

"Azərbaycan qanunlarında və konstitusiyasında sağlamlıq hüququ müəyyən edilib.Vətəndaşların sağlamlığı istiqamətində müvafiq addımlar həyata keçirilir. Prezidentin koronavirusla mübarizədə həyata keçirdiyi siyasətin kökündə də vətəndaşların sağlamlığı dayanır".

O əlavə edib ki, insan hüquqları kompleks yanaşmadır: "Dövlətlər də öz siyasətində bunu nəzərə almalıdırlar".